Главная » 2019 » Март » 7 » Prezident qarori: 1 maydan xotin-qizlar huquqlari bo‘yicha jiddiy o‘zgarishlar yuz beradi
15:18
Prezident qarori: 1 maydan xotin-qizlar huquqlari bo‘yicha jiddiy o‘zgarishlar yuz beradi
O‘zbekiston Respublikasi Prezidenti “Xotin-qizlarning mehnat huquqlari kafolatlarini yanada kuchaytirish va tadbirkorlik faoliyatini qo‘llab-quvvatlashga oid chora-tadbirlar to‘g‘risida”gi qarorni imzoladi.

Hujjat bilan belgilab qo‘yilishicha, 2019 yil 1 maydan:

ayollar mehnatini muayyan soha yoki kasblarda qo‘llash bo‘yicha taqiqlar bekor qilinadi;

tavsiyaviy xarakterdagi ayollar sog‘lig‘iga salbiy ta'sir etishi mumkin bo‘lgan soha yoki kasblar ro‘yxati tasdiqlanadi;

bola parvarishlash ta'tilining kamida uch oyi ota tomonidan foydalanilgan taqdirda, ota yoki onadan biriga O‘zbekiston Respublikasi Mehnat kodeksining 234-moddasi tartibida qo‘shimcha bir oy nafaqa to‘lanadigan bola parvarishlash ta'tili beriladi;

ikki yoshga to‘lmagan farzandini tarbiyalovchi ota-onalarning biriga ularning ish paytidagi dam olish va ovqatlanish, bolani ovqatlantirish uchun beriladigan tanaffuslar hisobidan ish beruvchi bilan kelishgan holda kun davomida foydalaniladigan tanaffus vaqtini belgilash huquqi beriladi;

ayollarning pensiya yoshiga to‘lganligi yoki qonun hujjatlariga muvofiq yoshga doir davlat pensiyasini olish huquqi vujudga kelganligi sababli ular bilan tuzilgan nomuayyan muddatli mehnat shartnomasini 60 yoshga to‘lgunga qadar yoki muddatli mehnat shartnomasini muddati tugagunga qadar ish beruvchining tashabbusiga ko‘ra bekor qilish taqiqlanadi;

erkak va ayollar huquqlari tengligining buzilishi bilan bog‘liq ishlarning sudlarda ko‘rib chiqilishida ayollarga advokatlar tomonidan ko‘rsatiladigan yuridik xizmat uchun haq ularning xohishiga ko‘ra davlat hisobidan qoplanadi.
Категория: Mahalliy Yangiliklar | Просмотров: 65 | Добавил: Yoshjurnalist | Рейтинг: 0.0/0
Всего комментариев: 0
Имя *:
Email *:
Код *: